Ish-polici amerikan dënohet me 40 vjet burgim për vrasjen e George Floyd

20 prill 23:51

Derek Chauvin është dënuar për vrasje për vrasjen e afro-amerikanit George Floyd, të cilin e kishte mbajtur me gju në qafë për më shumë se nëntë minuta –  një krim që nxiti një valë protestash në mbështetje të drejtësisë racore në SHBA dhe në të gjithë botën.

Chauvin u dënua me 40 vjet burgim, por sipas udhëzimeve ligjore në Amerikë, dënimi mund të ulet, shkruan The Guardian, transmeton Klan Kosova.

Mjeku i tha jurisë se për gati pesë minuta nën gjurin e Chauvin, Floyd po fliste akoma, gjë që tregon “se nivelet e tij të oksigjenit ishin të mjaftueshme për ta mbajtur trurin gjallë”.

“Pas kësaj ka prova të dëmtimit të trurit. Doktori tha se këmba e Floyd mund të shihet duke shkelur që është një shenjë e një krize myotonike të shkaktuar nga mungesa e oksigjenit”.

Pulmologu Tobin tha se kur Floyd humbi vetëdijen, niveli i oksigjenit në mushkëritë e tij ishte shumë nën gjysmën e sasisë normale.

Mbrojtja u përpoq të pretendonte Chauvin ishte duke ndjekur trajnimin e tij, por duke e dënuar atë për vrasje të shkallës së dytë, juria hodhi poshtë pohimin se ish-oficeri i policisë u lejua të vinte gjurin në qafën e viktimës për një periudhë të zgjatur kohe.

Mbrojtja gjithashtu u përpoq të pretendonte se veprimet e Chauvin nuk kishin asnjë lidhje me vdekjen e Floyd, dhe se ai vdiq nga një arrest kardiak i shkaktuar nga përdorimi i drogës, shkruan The Guardian.

Por, kjo nuk i ka bërë përshtypje jurisë së përbërë prej 12 anëtarëve qe ta jap vendimin final, atë me burgim ndaj Derek Chauvin.

Lajme të sponsorizuara

Të fundit
Një tërmet është ndjerë në Kroaci, pak minuta më parë.…