Kryesia e Bashkësisë Islame të Kosovës (BIK), njofton opinionin e gjerë se muaji i madhëruar i Ramazanit përfundon ditën e hëne, më 3qershor 2019.

BIK bëri të ditur se Manifestimi qendror për festën e Fitër – Bajramit për Republikën e Kosovës mbahet në Xhaminë e Madhe në Prishtinë.

“Manifestimi fillon në ora 04:11, me faljen e namazit të sabahut, pas të cilit do të jetë ligjërata tematike kushtuar kësaj feste nga dr. Ejup Haziri- anëtar i Kryesisë së BI të Kosovës. Namazi i Fitër – Bajramit falet në ora 05:36 minuta të cilit do t’i prij Vedat ef. Sahiti-këshilltar i Myftiut të Kosovës.”, thuhet në njoftimin e BIK.

Po ashtu bëhet e ditur se Hytben e Fitër – Bajramit do ta mbajë Myftiu i Kosovës, Naim ef. Tërnava, i cili do t’u drejtohet opinionit të gjerë me mesazh për këtë festë.

/Epoka e re/