Futbollisti me origjinë shqiptare Adnan Januzaj beson se Paul Pogba do t’i refuzojë ofertat e Real Madridit dhe Juventusit dhe do të qëndrojë në “Old Trafford”. Januzaj dhe Pogba kanë qenë bashkë tek Manchester United, që nga akademia.

“Unë besoj se Pogba do të qëndrojë. Jam ende shumë i afërt me Pogban. Ne jemi njohur që fëmijë dhe kemi luajtur bashkë tek akademia e Manchester United”, ka thënë Januzaj.

Kampioni i botës me Francën ka qenë i lidhur me Real Madrid dhe Juventus mbi një transferim të mundshëm.