Kryetari i Komunës së Skenderajt, Bekim Jashari, në emisionin “Interaktiv” të KTV-së ka folur për idenë rreth shkëmbimit të territorit me Serbinë.

Ai ka thënë  se kufijtë e Kosovës, janë vulosur me gjakun e dëshmorëve.

“Nuk jam kundër bashkimit të Preshevës, por ta caktojnë vendin tonë, të japin tokën tonë, do të ishte shkelje e gjakut të dëshmorëve”, ka thënë ai.

Ai ka shtuar se partitë politike duhet të bëhen bashkë kur janë tema të rëndësishme për vendin, si dialogu i Kosovës me Serbinë në këtë rast.

“Përpos kësaj, edhe gjatë fushatës e pas fushatës, kam kërkuar që shqiptarët të bëhen bashkë”, është shprehur Jashari.

“Liderët duhet t’i thërrasin mendjes e të ulen bashkë të bisedojnë”, ka deklaruar ai.