Kryetari i Shoqatës së Familjeve të Dëshmorëve, Xhavit Jashari, ka bërë me dije për gazetën “Epoka e re” se ende nuk ka ndonjë informacion se kryetari OVLUÇK-së, Hysni Gucati është arrestuar nga policia e EULEX-it.

Ai ka thënë se Gucati ndodhet në zyrat e OVLUÇK-së.

“Sipas informacionit që kemi është në zyrat e OVLUÇK-së. Nuk kemi ndonjë informatë nga ajo që po qarkullon në medie (se është arrestuar)”, ka thënë ai.

Jashari u ka bërë thirrje institucioneve të vendit që të kenë vëmendje ndaj kësaj situate, pasi sipas tij, sot është shkelur mbi gjakun e dëshmorëve.