“Jetimat e Ballkanit” dhe Komuna e Podujevës ndërtojnë 10 shtëpi për familjet e pastreha në Podujevë

10 prill 13:57

Kryetari i Komunës së Podujevës, Shpejtim Bulliqi dhe kryetari i Shoqatës “Jetimat e Ballkanit”, Halil Kastrati, kanë nënshkruar sot marrëveshje për ndërtimin e 10 shtëpive për familjet që jetojnë në kushte të rënda sociale në komunën e Podujevës.

Marrëveshja mes kryetarit Bulliqi dhe kryetarit të shoqatës “Jetimat e Ballkanit” është nënshkruar në prag të muajit të shenjtë të Ramazanit.

Kryetari Bulliqi tha se ky projekt do të realizohet në bashkëfinancim mes Komunës së Podujevës dhe shoqatës “Jetimat e Ballkanit”.

“Komuna e Podujevës do të participojë me nga 5 mijë euro për secilën shtëpi, kurse shoqata do të financojë pjesën tjetër”, tha kryetari Bulliqi.

Kryetari Bulliqi, duke falënderuar të gjithë donatorët e shoqatës që po e mundësojnë realizimin e projekteve të tilla, tha se projekte të tilla do të vazhdojnë në Komunën e Podujevës derisa të bëhet zgjidhje e banimit për secilën familje në nevojë.

Lajme të sponsorizuara

Të fundit
Liderja e Partisë së Unitetit Kombëtar të ekstremit të djathtë…