Joao Felix pranon dështimin te Atletico
20 maj 2020
| 10:03
Joao Felix deri më tani nuk ka mundur që të bindë te Atletico Madrid edhe pse u ble për 126 milionë euro sezonin e kaluar.
Sulmuesi i talentuar portugez e ka pranuar edhe vetë këtë fakt në një intervistë të dhënë së fundmi.
“Në fakt, kur mbërrita këtu, mbase ndryshimi i ambientit, mbase presioni, ose edhe fakti që kërkoja të tregoja gjithçka menjëherë. E di dhe jam i vetëdijshëm se kam shumë për të treguar. Ishte e çuditshme si ndodhi në fillim, por tani mendoj se gjërat do të shkojnë ndryshe. Championsi? Do të provojmë ta fitojmë dhe eliminimi i Liverpool na jep më shumë bindje. Do të ishte ëndërr”, ka deklaruar Joao Felix.