Jupa: Heronjtë kanë vetëm ditëlindje!

02 shkurt 20:45

Zëvendësministri i Tregtisë dhe Industrisë, Bekim Jupa, në një postim të tij në rrjetin social në “Facebook”, ia ka uruar ditëlindjen Bajram Mazrekajt, dëshmorit të UÇK-së.

Postimi i plotë i zëvendësministrit Bekim Jupës:

Në mesin atyre burrave që nuk u mposhtën dhe nuk u ndalen kurr, por ecën drejtë dhe pa u tundur ishte edhe daja im Bajram Mazrekaj nga Vokshi i Deqanit.

Daja Bajram ishte jo vetëm luftëtar, por edhe vizionar, edhe strateg i madh, ai ishte i vetëdijshëm se lufta jonë për liri ishte e gjatë dhe me plotë sfida, ai luajti rol te rëndësishëm në krijimin e UÇK-së dhe shtrirjen e saj në terren.

Lavdi e përjetshme ushtarit të lirisë dhe gjithmonë do të jemi krenar brez pas brezi për sakrificat e tij për lirinë dhe pavarësinë e atdheut tonë.

Ne të gjallët ju përkulemi me respekt Dëshmorëve të Kombit, kujtimi dhe respekti për ta do të jetë i përhershëm dhe për jetë të jetëve.

TI JE HEROI IM!

Lajme të sponsorizuara

Të fundit
Deputetja e Lëvizjes Vetëvendosje!, Albulena Haxhiu ka njoftuar se do…