Juve nuk gabon ndaj Cagliarit

02 prill 2019 | 22:57

Juventus ka marrë fitoren e 26-të në këtë sezon të Serisë A pasi ka mundur 2-0 në transfertë Cagliarin.

Ndeshja është zhbllokuar nga një gol i Leonardo Bonucci-t në minutën e 22-të të takimit. Mbrojtësi bardhezi ka festuar në mënyrën më të mirë ndeshjen e tij numër 250 në kampionatin italian dhe ka barazuar rekordin personal të golave të shënuar në një sezon të Serisë A: 3.

Skuadra e Allegrit ka siguruar tri pikët pesë minuta para fundit me golin e radhës të realizuar nga Moise Kean, i cili është lojtari i dytë më i ri në kampionatet kryesore të Evropës me të paktën katër gola të realizuar (pas Jadon Sancho).

Juventus kryeson Serinë A me 81 pikë, 18 më shumë se Napoli i vendit të dytë, që ka një ndeshje më pak. Cagliari, nga ana tjetër, mbetet në vendin e 13-të me 33 pikë.

 

Fjalët Kyçe:

Lajme të sponsorizuara

Të fundit
“Sunny Hill Festival” rikthehet në muajin gusht në Prishtinë, pjesë…