KALI I SHPRESËS
11 mars 2022
| 20:57
Nexhat Çoçaj
Në thundrën tënde ngjizen shikimet
Duke ua vënë medaljon betejave
Nga një patkua me radhë
Për t’i peshuar fitoret me varre
Kush më shumë se ti
Ka shkelur nëpër gjak
Ka kaluar neper lumenj
Ka mbërri maje bjeshkësh
Ku puthiten qielli e toka
Kush më shumë se ti
Me kurriz e ka peshuar kohën
Ka zgjedhur enigmën e vdekjes
Ka përcaktuar shenjtërimin e shpresës.
Kush më shumë se ti
Ka shërbyer busullë e njerëzimit
Kur dilje nga shtëpia në drejtim të lindjes
Fitoren e sigurt e kishte kalorësi
E në perëndim humbjen paralajmëroje
Dhe bëheshe trishtues duke refuzuar nisjen
kush më shumë se ti
Ka bredhur fushave të mejdanit
Ka pi ujë të krojeve majë malit
Ka marrë nuse me duvak
Ka ndalur gjakderdhjen pritave
Ka kthyer vdekjen nga varri