Kancelari austriak për situatën në veri: Është shumë e rëndësishme që dhuna të ndalet
01 qershor 2023
| 11:32
Kancelari i Austrisë, Karl Nehammer, ka folur rreth situatës në veriun e Kosovës.
Nehammer ka thënë se palët po bëjnë hapa që e pamundësojnë de-eskalimin e situatës në veri.
“Kur jemi tek kjo situatë. Institucionet kosovare nuk e kanë ndërmarrë asnjë hap për ta de-eskaluar situatën. Është shumë e rëndësishme që dhuna të ndalet. Dhuna është çdoherë e papranueshme”, ka thënë Nehammer në adresimin para medieve në prag të nisjes së Samitit të liderëve evropianë në Moldavi.
Kancelari austriak ka thënë Serbia është një vend shumë i rëndësishëm në Ballkanin Perëndimor.
“Ka ndikim të madh në de-eskalimin e konflikteve. Por, për të de-eskaluar duhen dy vende. Duhet edhe Kosova”, ka thënë kancelari austriak.