Ish-kryetari i Kamenicës dhe aktivisti i PSD-së, Qëndron Kastrati ka bërë thirrje për pjesëmarrje në protestën e të mërkurës kundër Kryetares së Gjykatës Speciale, Ekaterina Trendafilova. Kjo protestë do të mbahet në Gjilan, vendin ku do të jetë Trendafilova.

“TrendafilOUT” – është titulluar kjo protestë e PSD-së që provon të kontestojë legjitimitetin e Dhomave të Specializuara të Kosovës në Hagë.

Kastrati e ka quajtur vizitën e saj “instrument propagande”.

“Përpjekja e saj për ta rehabilituar një proces të padrejtë kundër Ushtrisë Çlirimtare të Kosovës nuk mundet të kalojë pa u vënë re. Kjo vizitë është e padëshirueshme”, ka shkruar Kastrati.

Postimi i plotë i Kastratit, pa ndërhyrje:

Vizita e znj. Trendafilova është instrument propagande. Përpjekja e saj për ta rehabilituar një proces të padrejtë kundër Ushtrisë Çlirimtare të Kosovës nuk mundet të kalojë pa u vënë re. Kjo vizitë është e padëshirueshme.

Prandaj protestojmë, të mërkurën, me 21 shtator, 10:00.