KEDS-i do të investojë katër milionë euro këtë vit në Ferizaj

02 gusht 15:52

KEDS-i shumë shpejt do të nisë punimet për realizimin e 14 projekteve energjetike në komunën e Ferizajt, që kapin një kosto prej 4 milionë euro. Kështu ka bërë me dije drejtori i Investimeve të KEDS-it, Hasan Oz, gjatë takimit me zyrtarët komunalë të Ferizajt, ku u arrit marrëveshja finale mes palëve.

Sipas planit investiv brenda në qytet do të ndërtohen linja të reja nëntokësore me qëllim të lidhjeve unazore mes trafostacioneve ekzistuese dhe pas përfundimit të nënstacionit nga ana e KOSTT-it, që pritet të përfundojë në vitin 2021, do të lidhet komplet rrejti i KEDS-it.

Pas kësaj Ferizaj, pas Prishtinës, do të jetë qyteti i vetëm në Kosovë që do të ketë furnizim të dyfishtë në formë unazore. Gjithashtu do të bëhen edhe riparimi i disa trafove ekzistuese.

Projektet pritet të përfundojnë në fund të këtij viti dhe për këtë KEDS-i ka angazhuar pesë kompani kontraktuese për kryerjen e punimeve në afat sa më të shkurtër kohor dhe pas kësaj Ferizaj do të ketë furnizim cilësor dhe 24 orë pa ndërprerë energji elektrike.

Pas përfundimit të këtyre projekteve energjetike do të përfitojë komplet qyteti Ferizajt dhe fshatrat që përfshihen me largpërçuesin e kampit Bondsteel.

Lulzim Aliu, drejtor i Urbanizmit dhe Mjedisit të kësaj komune, ka falënderuar KEDS-in për investimet në infrastrukturën energjetike të komunës së tij në të mirë të qytetarëve.

/Epoka e re/

 

Lajme të sponsorizuara

Të fundit
Ish-sulmuesi i Fenerbahçes, Ridvan Dilmen, ka vlerësuar lart paraqitjet e…