Forca e Sigurisë së Kosovës (FSK), për herë të parë do të shënojë Ditën e Forcës me flamuj e emblema të reja.

FSK-ja sivjet për herë të parë do të parakaloj në sheshet e kryeqytetit me mision të ri ushtarak. “EkonomiaSot”, ka siguruar fotografinë në të cilën do të prezantohen emblemat e reja për njësitet e saj.

Dita e Forcës do të shënohet të mërkurën dhe do të jetë një ditë e hapur ku qytetarët do të mund të shohin nga afër ushtrinë e tyre me mandate të ri.

Rikujtojmë se më 14 dhjetor të vitit të kaluar Kuvendi i Kosovës miratoi 3 projektligjet që i mundësuan FSK-së transformimin në ushtri.