Kina vaksinon banorët pa ia testuar efektet vaksinës eksperimentale

19 tetor 2020 | 09:24

Zyrtarët në një qytet lindor të Kinës aktualisht do t’u japin banorëve një vaksinë eksperimentale për koronavirus për rreth 60 dollarë për person, pavarësisht nga fakti që efektet e vaksinës nuk janë të provuara.

Punëtorët kryesorë dhe njerëzit që janë në rrezik të lartë për shkak të koronavirusit do të jenë ndër të parët që do t’i marrin vaksinat, deklaruan autoritetet shëndetësore në qytetin e Jiaxing, provinca Zhejiang.

Vullnetarët e tjerë të moshës midis 18 dhe 59 të cilët kanë nevojë urgjente për një vaksinë mund të aplikojnë gjithashtu për ta marrë vaksinën, e cila është zhvilluar nga firma shtetërore e ilaçeve “Sinovac Biotech”.

Kina ka vaksinuar punëtorët thelbësorë me kandidatët për vaksina që janë nën një program përdorimi emergjent të filluar në korrik, por do të jetë hera e parë që qeveria ka bërë publike një vaksinë si kjo në dispozicion të qytetarëve.

Banorëve do t’u jepen dy doza, të cilat do të jepen deri në 28 ditë me diferencë pasi nënshkruan një marrëveshje inokulimi pasi efektet e vaksinës nuk janë provuar. “Meqenëse nuk është regjistruar zyrtarisht në treg, kjo lloj vaksine është aprovuar vetëm për përdorim urgjent”, thuhet në njoftim.

Por zyrtarët nuk specifikuan numrin e njerëzve që do të merrnin vaksinën eksperimentale ose kur programi do të fillojë. Një anëtar i stafit të CDC tha se detajet se kur dhe si do të shpërndahen vaksinat në qytete janë ende duke u përpunuar, raporton “Global Times”.

Përhapja vdekjeprurëse e virusit ka marrë jetën e mbi një milion njerëzve në mbarë botën deri më tani. Një vaksinë efektive, sipas ekspertëve, pritet nga tremujori i parë 2021.

Lajme të sponsorizuara

Të fundit
Përkundër viteve, këngëtarja e mirënjohur Eli Fara vazhdon të jetë…