Qeveria e Kosovës e ka miratuar propozim vendimin që Majlinda Kelmendi t’i njihet statusi i qytetares me merita të veçanta për kontributin e saj dhe sukseset në sportin e xhudos në arenën vendore dhe ndërkombëtare.

Krenaria e sportit të Kosovës do të shpërblehet me 1,321 euro në muaj.

“Si ministri propozojmë që Kelmendi të marrë statusin me merita veçanta, çdo muaj do të shpërblehet me 1,321.32 euro ekuivalente me pagën e një ministri”, ka thënë ministri i MKRS-së, Hajrulla Çeku.

/Epoka e re/