KMDLNj-ja dhe UP-ja nënshkruajnë marrëveshje bashkëpunimi

02 tetor 13:21

Këshilli për Mbrojtjen e të Drejtave dhe Lirive të Njeriut (KMDLNj) dhe Universiteti i Prishtinës “Hasan Prishtina” kanë nënshkruar një marrëveshje bashkëpunimi me të cilën parashihet që ky këshill të marrë në punë praktike studentë të UP-së çdo tre muaj.

Marrëveshja në fjalë është nënshkruar nga rektori i UP-së, Marjan Dema dhe drejtori i KMDLNj-së, Behxhet Shala.

Studentët që do të jenë pjesë e punës praktike në KMDLNj sipas kësaj marrëveshjeje do të jenë nga Fakulteti Juridik, Filologjik, Filozofik dhe fakulteteve të tjera.

Universiteti i Prishtinës “Hasan Prishtina” dhe KMDLNj-ja, përmes një komisioni të përbashkët, e bëjnë përzgjedhjen e studentëve çdo tre muaj.

Me rastin e përzgjedhjes së studentëve për punë praktike vullnetare, Universiteti i Prishtinës “Hasan Prishtina” dhe KMDLNj-ja do të marrin parasysh notën mesatare të studentëve.

Angazhimi në punë praktike është vullnetar. Në fund të periudhës së angazhimit, KMDLNj-ja bën vlerësimin e punës së praktikantëve dhe bazuar në këtë vlerësim lëshon certifikatë për punën praktike të kryer nga studentët.

Lajme të sponsorizuara

Të fundit
Të dielën në mëngjes me orën evropiane, Marc Marquez mund…