Kombëtarja angleze e futbollit ka falënderuar edhe një herë Kosovën për mikpritjen në ndeshjen e vlefshme për kualifikimet për “Euro 2020”.

Në këtë ndeshje Anglia fitoi 4 me 0 në “Fadil Vokrri” të dielën, por qytetarët e Kosovës me mikpritjen e tyre u vlerësuan lartë nga Anglia, madje eksponentë të këtij shteti dolën me deklarata falënderuese.

E lidhur me këtë kombëtarja angleze ka publikuar një video në “Facebook”, me mbishkrimin “Një pritje e mrekullueshme – Faleminderit, Kosovë”.