Komiteti i Gjilanit kundër Covid-19 mban takim me drejtorët e shkollave

24 shtator 2020 | 15:02

Komiteti i Gjilanit për parandalimin e përhapjes së Covid-19, ka mbajtur sot takim me drejtorët e shkollave të Gjilanit, duke respektuar masat kundër virusit.

Qëllimi i takimit, i cili është udhëhequr nga nënkryetari, Arbër Ismajli, ka qenë vlerësimi i procesit mësimor gjatë këtyre dy javëve, lidhur me respektimin e masave anti Covid-19.

Ismajli, në emër të Komitetit, ka kërkuar mobilizim shtesë në mënyrë që të parandalohet përhapja e virusit korona, duke monitoruar në vazhdimësi nxënësit dhe mësimdhënësit lidhur me mbajtjen e maskave, mosgrumbullimin, përkatësisht mbajtjen e distancës.

Në takim të Komitetit kanë marrë pjesë dhe kanë adresuar qëndrimet e tyre edhe Dr. Ajhane Sefiu, drejtoreshë e QRSHP-së në Gjilan, Dr. Ukshin Ismaili, drejtor Klinik në Spitalin e Përgjithshëm, Selami Xhemaili, drejtor për Shëndetësi dhe Mireqënie Sociale, Dr. Arbenita Hajdari, drejtoreshë e QKMF-së, sikurse edhe drejtori i Arsimit, Nazim Gagica.

(Q.R / Epoka e re)

Lajme të sponsorizuara

Të fundit
Arlind Ajeti do të vazhdojë karrierën e tij në Serinë…