Kryetari i Ferizajt ka marrë vendim që të mbyllen çerdhet publike deri më 1 gusht për shkak të përhapjes së pandemisë në këtë komunë.

Lajmin e ka bërë të ditur Zyra për Informim në komunën e Ferizajt, nëpërmjet një njoftimi.

“Rritja e numrit të të infektuarve me COVID-19 ditëve të fundit në gjithë vendin, por edhe në Ferizaj, ka bërë që Komuna e Ferizajt, përkatësisht kryetari i Komunës dhe Drejtoria e Arsimit, pas vlerësimit të situatës, të marrë vendim për mbylljen e çerdheve të fëmijëve ‘Ardhmëria jonë’ dhe ‘Engjujt’ deri më 1 gusht 2020. Kjo masë po merret si mbrojtje e shëndetit publik pas rritjes së numrit të rasteve pozitive me COVID-19, që u regjistruan ditëve të fundit”, thuhet në njoftim