Komuna e Kaçanikut ndan 50 bursa për studentët kaçanikas

24 shkurt 15:35

Kryetari i Komunës së Kaçanikut, Besim Ilazi, ka bërë me dije se ka ndarë nga buxheti komunal për vitin 2020, 20 mijë euro për bursa studentore.

Në mbledhjen e fillimjavës të ekzekutivit komunal, drejtoria për Arsim dhe Kulturë në Kaçanik, ka njoftuar se tashmë është hapur konkursi për të gjithë studentët, të cilët i plotësojnë kushtet e parapara.

Sipas kësaj drejtorie 50 studentë do të përfitojnë bursa.

“Ndarja e bursave studentore tashmë është bërë traditë në qeverisjen lokale, ku ndër vite shumë studentë kaçanikas kanë përfituar nga këto bursa të cilat sado pak kanë lehtësuar barrën studentore, ndërsa ky subvencionim po bëhet me qëllim të përkrahjes së shkollimit të të rinjve”, ka njoftuar Komuna e Kaçanikut.

/Epoka e re/

Lajme të sponsorizuara

Të fundit
Nënkryetari i Komunës së Podujevës, Nexhmi Rudari, ka vizituar të…