Ambasadori i Shteteve të Bashkuara në Kosovë, Philip Kosnett, ka bërë me dije se një person nga Kosova është ekstraduar në ShBA.

Përmes një postimi në llogarinë e vet në “Twitter”, ambasadori Kosnett ka thënë se ekstradimi i tij, shënon edhe zbatimin për herë të parë të Marrëveshjes për Ekstradim ndërmjet Kosovës dhe ShBA-së, e cila është finalizuar në qershor të këtij viti.

“Në qershor ShBA-ja dhe Kosova përfunduan Marrëveshjen e Ekstradimit. Sot ne e përdorëm atë për herë të parë për të kthyer një të arratisur, nga Kosova për gjykim në Shtetet e Bashkuara. Kur e bëjmë sundimin e ligjit një përparësi të përbashkët, kriminelët përballen me drejtësinë dhe të dyja shtetet janë të sigurta”, ka shkruat Kosnett.