Kosova U20 mposhti bindshëm Maqedoninë e Veriut
04 shtator 2022
| 19:47
Përfaqësuesja U20 e Kosovës në volejboll ka mposhtur me rezultat bindës, 3-0 në sete, Maqedoninë e Veriut në ndeshjen që u zhvillua të dielën pasdite në Gjakovë.
Ishte një paraqitje inspiruese nga “Dardanët”, e cila sigurisht se do të shërbejë si motiv para Kampionatit Evropian, i cili zhvillohet mes datave 6-10 shtator në Shqipëri. Ekipi i drejtuar nga trajneri Blendi Haxhikadrija niset nesër drejt Shqipërisë, ku do të kryejë ca sesione stërvitore para ndeshjeve kompetitive.