Koulibaly: Nuk dua t’u gënjej, s’e di çfarë do të ndodhë në të ardhmen
08 qershor 2022
| 16:12
“Për momentin mendoj për Senegalin dhe më pas do të shkoj me pushime. Nuk dua t’iu gënjej, nuk e di se çfarë do të ndodhë me të ardhmen time”, ka deklaruar Kalidou Koulibaly nga grumbullimi i skuadrës kombëtare.
Qendërmbrojtësi, që luan me Napolin që nga vera e vitit 2014, kërkohet nga Barcelona, por edhe nga Juventusi, që e sheh si zëvendësuesin ideal të Chiellinit.
“Këtë periudhë nuk kam pasur mundësi të flas me askënd, sepse kam qenë i përqendruar te skuadra kombëtare. Do të kaloj disa ditë pushime këtu në Senegal dhe kur të kthehem në Evropë të shohim se çfarë do të ndodhë”, ka shtuar mbrojtësi senegalez.