Krasniqi: Beteja e Koshares i dha fund ndarjes së kombit shqiptar
Kryetari i Partisë Demokratike të Kosovës (PDK), Memli Krasniqi, ka thënë se Beteja e Koshares i ka dhënë fund ndarjes së kombit shqiptar.
Krasniqi ka thënë se kjo betejë kishte ngritur moralin në mesin e popullit të Kosovës.
Më tutje, ai ka thënë se Kosharja është një nga betejat më të lavdishme të Ushtrisë Çlirimtare të Kosovës.
“24 vjet qëkur ushtarët e Brigadës 138 të Ushtrisë Çlirimtare të Kosovës, të udhëhequr nga heroi Agim Ramadani, i dhanë fund ndarjes së kombit shqiptar, duke thyer kufirin Kosovë – Shqipëri. Kjo ngjarje shënon fillimin e një prej betejave më të lavdishme të UÇK-së – Betejës së Koshares, e cila forcoi shpresën dhe ngriti moralin në mesin e popullit të Kosovës. Përherë mirënjohës për veprën e dëshmorëve dhe veteranëve të Betejës së Koshares!”, ka shkruar Krasniqi në “Facebook”.