Krasniqi: Kuvendi është vonë, nuk po zë hapin me zhvillimet

01 mars 10:36

Albert Krasniqi nga Instituti Demokratik i Kosovës (KDI), ka thënë se Kuvendi i Kosovë nuk është duke e zënë hapin me zhvillimet.

Ai në llogarinë e vet në “Facebook”, ka shkruar se në komisionet parlamentare janë grumbulluar 52 projektligje të cilat presin shqyrtim, ndërsa Kuvendi sipas tij deri më tani ka miratuar vetëm shtatë ligje.

Postimi i plotë i Krasniqit:

Kuvendi është vonë dhe nuk po zë hapin me zhvillimet

– SOT, Kuvendi mbanë debat parlamentar për Raportin 100 ditësh të Qeverisë, si dhe interpelancë për rritjen e pagave të anëtarëve të kabinetit qeveritar – 70 ditë vonesë;
– DJE, nuk u arrit të hedhet në votim demarkacionin me Malin e Zi – tre vite vonesë;
– PARDJE, në Kryesinë e Kuvendit sërish u bllokua kalimi i Rregullores së Punës së Kuvendit – gjashtë vite vonesë.

Ndërkohë, në komisionet parlamentare janë grumbulluar 52 projektligje të cilat presin shqyrtim, ndërsa Kuvendi deri më tani ka miratuar vetëm shtatë ligje.

Kuvendi duhet të racionalizoji kohën e vet. E këtë më së miri mund ta bëjë duke iu shmangur debateve populiste që të vetmin qëllim kanë protagonizmin individual.

Fjalët Kyçe:

Lajme të sponsorizuara

Të fundit
Presidenti i Republikës së Kosovës, Hashim Thaçi ka zhvilluar sot…