KRU ‘Prishtina’ bën apel për kursim të ujit të pijshëm

30 qershor 2020 | 11:52

Kompania Rajonale e Ujësjellësit “Prishtina” ka bërë thirrje te qytetarët që furnizohen nga kjo kompani që ujin ta shpenzojnë racionalisht.

“Sot në botë konstatohet se gjysma e gjithë njerëzve të planetit ballafaqohen me mungesën e ujit të pijshëm. Roli i ujit është thelbësor për qeniet e gjalla dhe planetin. Ai na nevojitet për pije e higjienë, por me rëndësi është ta kuptojmë domethënien e përdorimit jo të drejtpërdrejtë të ujit si për prodhim, furnizim dhe zhvillim. Hapat që ndërmarrim sot, janë të një rëndësie jetike për ne dhe fëmijët tanë. Uji sot nuk duhet të shfrytëzohet në mënyrë të pakontrolluar, me ç’rast i zvogëlojmë rezervat e ujit të pijshëm, por uji duhet kursyer pikë për pikë.! Vetëm kështu sigurojmë sasi të mjaftueshme të ujit të pijshëm për të ardhmen”, është thënë në njoftimin e Ujësjellësit “Prishtina”.

Kjo kompani ka njoftuar se sot kemi rritje enorme të kërkesave për ujë të pijshëm, pavarësisht që shpërndarja po bëhet në mënyrë të barabartë dhe me kapacitete maksimale trajtuese.

“Që uji të arrijë edhe në pikat e larta, lusim konsumatorët që jetojnë në pika të ulëta të mos e keqpërdorin. Nga ju kërkojmë shpenzim racional të ujit, ndërsa ne jemi duke inspektuar terrenin për kyçje ilegale dhe keqpërdorime të ujit me theks të veçantë nëpër fshatra”, theksohet në këtë njoftim të Ujësjellësit “Prishtina”.

(A.M / Epoka e re)

Lajme të sponsorizuara

Të fundit
Ditën e sotme në Shqipëri është shënuar një tjetër rritje…