Kryebashkiaku i Kukësit, Bashkim Shehu, në një konferencë për medie ka bërë me dije se nuk do të takohet me kryeministrin Edi Rama pa u liruar qytetarët e arrestuar për protestën në Rrugën e Kombit.

“Sot jam në krah të qytetarëve të Kukësit, pa dallime politike. Kërkoj lirimin e menjëhershëm të personave të arrestuar. I bëjë thirrje Edi Ramës që të lirojë të arrestuarit dhe të ulet e të dëgjojë qytetarët e Kukësit. Unë nuk shkoj në takim me Ramën nëse nuk lirohen ata që janë arrestuar”, ka thënë Shehu.