Kryeministri i Kosovës, Avdullah Hoti, ka uruar dhe falënderuar deputetët për miratimin e rishikimit të buxhetit për vitin 2020. “Falënderoj deputetët e koalicionit qeverisës dhe të opozitës, që me votën e tyre sot ia dhanë dritën e gjelbër Qeverisë së Kosovës për aplikimin e masave për rimëkëmbje ekonomike, ku përfitues do të jenë qytetarët dhe bizneset”, ka shkruar kryeministri Hoti.

Ai ka premtuar se sa më parë do ta nisin zbatimin e masave për rimëkëmbje ekonomike, duke garantuar transparencë të plotë dhe koordinim me të gjithë aktorët e tjerë, komunat, odat ekomomike dhe partnerët zhvillimorë. /Epoka e re/