Kryesia e Kuvendit ka vendosur në mbledhjen e sotme për caktimin e tri seancave të ardhshme të Kuvendit të Kosovës.

E para do të jetë nesër (e martë) në orën 13:00 ku do të bëhet vazhdimi i pikave të mbetura nga seancat e kaluara, derisa seanca e re do të mbahet të enjten më 16 qershor në orën 10:00.

Po ashtu, për seancë tjetër është caktuar për 26 qershor.

Shefja e Grupit Parlamentar të Vetëvendosjes, Mimoza Kusari-Lila, ka thënë se shumë projektligje të rëndësishme do të shqyrtohen dhe votohen në këto seanca.