Kryetarja e Gjykatës Themelore vizitoi Qendrën Korrektuese të Dubravës
23 shtator 2020
| 18:17
Drejtori i Qendrës Korrektuese në Dubravë, Ismail Dibrani ka pritur në një vizitë një numër të gjyqtarëve të Gjykatës Themelore të Prishtinës në krye me kryetaren e kësaj Gjykate, Aferdita Bytyçin.
“Në Qendrën Korrektuese në Dubravë sot pritem Kryetaren e Gjykatës Themelore në Prishtinë, znj. Afërdita Bytyçi, si dhe gjyqtarë tjerë të Gjykatës Themelore në Prishtinë.
Gjatë takimit diskutuam lidhur me çështje të cilat ndërlidhen me punën e gjykatës dhe Qendrës Korrektues Dubravë.
Po ashtu, sot vizituam disa pavijone dhe punëtori, ndërsa në fund të vizitës shpërndamë diploma dhe certifikatat për të dënuarit, të cilët kanë përfunduar shkollën e mesme në Qendrën Korrektuese Dubravë”, ka shkruan në profilin e tij në “Facebook”, Dibrani.