Deputeti i Lidhjes Demokratike të Kosovës Besian Mustafa, në emisionin DPT te Fidani ka folur edhe për kthimin e ish-presidentes Vjosa Osmani, në këtë parti.

Mustafa në Klan Kosova tha se bashkangjitja e Osmanit do t’i bënte mirë LDK-së.

“Një ribashkim i madh i LDK-së është i shëndetshëm edhe për LDK-në. A ia vlen ta provojmë? Ne po themi hajde veç ta provojmë”, deklaroi ai.

Ai theksoi se po të kishte mundësi qysh sot do t’i bashkonte të gjithë në LDK, madje edhe ata që se shohin këtë parti si të tyren.