Kryetari i Lëvizjes Vetëvendosje, Albin Kurti, është duke qëndruar në Shqipëri për një vizitë treditore, ku në një konferencë për medie ka folur edhe për Gjykatën Speciale.

Në këtë konferencë, ai ka thënë se Ushtria Çlirimtare e Kosovës (UÇK) ka bërë luftë të drejtë dhe të pastër.

“UÇK-ja ka bërë luftë të drejtë, ka bërë luftë të pastër. Nëse ka pretendime nga ndonjë ndërkombëtar për individë të UÇK-së, ne do të kemi një sistem të ri të reformuar, të transformuar të drejtësisë, që do t’i trajtojë me prioritet dhe seriozitet të gjitha ato raste. Ne jemi bashkë me ushtarët e UÇK-së, ata janë me popullin e Kosovës”, ka thënë Kurti.