Kurti: Pensionet nuk janë për tash, por për kohën kur të plakemi

23 qershor 12:26

Kryeministri Albin Kurti ka marrë fjalën në seancën e Kuvendit, ku është duke u diskutuar për tërheqjen e mjeteve nga Trusti.

Kurti është shprehur kundër Projektligjit për tërheqjen e 30 për qind të mjeteve nga Trusti, duke thënë se si qeveri besojnë se problemi nuk zgjidhet duke rrënuar sistemin pensional të vendit.

Kurti ka thënë se mbi 90 për qind e llogarive në Trust, kanë të akumuluar më pak se 10 mijë euro.

“Afër gjysma nuk do t’i tërhiqnin më shumë se 100 euro. Cili është kuptimi që të rrënohet sistemi pensional për 100 euro?”, pyeti Kurti.

“Pensionet nuk janë për tash, por për kohën kur të plakemi, atëherë kur të hyjmë në pleqni. Nuk mundemi që një problem të përkohshëm tani të zgjidhim me rrënim të së ardhmes sonë. Nuk mund të lejojmë që edhe ta humbim të ardhmen edhe të mos e fitojmë të tashmen”, u shpreh kryeministri Kurti.

Lajme të sponsorizuara

Të fundit
Grupi Parlamentar i Lëvizjes Vetëvendosje nuk i ka dhënë përkrahje…