Kuvendi miraton në parim Projektligjin për dërgimin e FSK-së jashtë vendit
Me 65 vota për Kuvendi i Kosovës ka miratuar në parim Projektligjin për dërgimin e FSK-së jashtë vendit.
Ministri i Mbrojtjes, Armend Mehaj, ka paraqitur projektligjin për dërgimin e FSK-së jashtë vendit.
“Duke qenë se rritja e interesit e bashkëpunimit me vendet partnere është i nevojshëm për integrimin e FSK-së jashtë vendit, kërkoj nga deputetët miratimin e këtij projektligji”, ka thënë Mehaj.
Ndërsa deputeti i LV-së, Enver Dugolli, ka thënë se Komisioni për Çështje të Sigurisë ka shqyrtuar këtë Projektligj duke shtuar se i plotëson kushtet e parapara.
Në anën tjetër, deputeti i PDK-së Hysen Berisha, ka shprehur mbështetjen për këtë projektligj, por që ka pasur dy vërejtje.
Kurse deputetja e AAK-së, Time Kadrijaj, ka thënë se në parim do ta mbështesin këtë projektligj duke parë rëndësinë që ka.
Ndërkaq deputeti i LDK-së, Armend Zemaj, ka thënë se presidentja duhet të njoftohet me vendimin e qeverisë dhe të jetë në harmoni me Kushtetutën e vendit.