Skuadra e Drenicës nga Skenderaj sot është treguar mjaftë aktive.

Pas konfirmimit për largimin e Taulant Dajakut, skuadra nga Skenderaj ka njoftuar se është përforcuar me Hasan Hysenin nga Trepça ’89. Hyseni ka arritur marrëveshje një vjeçare me klubin kuqezi.

“Njëri ndër sulmuesit më cilësor në Kosovë, Hasan Hyseni është përforcimi i parë i klubit. Hyseni luan në rolin e sulmuesit anësor dhe ka treguar përformancë mjaft të mirë në elitën e futbollit kosovar me skuadrën e Trepçës ‘89. Më parë futbollisti është paraqitur edhe për Trepçën dhe Gjilanin”, thuhet në njoftimin e KF Drenica.

/Epoka e re/