“Momenti që më ka mbetur më shumë në mendje nga koha ime tek Interi është hera e parë që kam luajtur në San Siro, kur kam çuar sytë dhe kam parë gjitha ata tifozë që na mbështesnin dhe ka qenë shumë e bukur”.

Fjalë të Luis Figo-s, një nga protagonistët e Matchday Programme të Interit në ditën e ndeshjes së madhe që do të zhvillohet në San Siro mes zikaltërve dhe Napolit.

Ish-kampioni portugez ka shprehur më pas një mendim edhe për Interin e Inzaghit:

“Është një skuadër me një futboll të bukur, por zhvillon një vit shumë pozitiv. Thuram më ka befasuar shumë për impaktin që ka pasur dhe për atë që ka ditur të japë, edhe pse forca e vërtetë besoj se është grupi dhe ajo që japin në fushë të gjithë lojtarët”.