Lajçaku takohet me Isa Mustafën
02 mars 2021
| 11:09
I dërguari i posaçëm për dialogun Kosovë – Serbi, Miroslav Lajçak, është duke vazhduar takimet me liderët e partive politike në Kosovë.
Ai sot është takuar me kryetarin në dorëheqje të LDK-së, Isa Mustafa.
Lajçaku ka nisur ditën e takimeve sot me ushtruesen e detyrës së presidentes, Vjosa Osmani, ndërsa ka vazhduar takimet me kryeministrin në detyrë, Avdullah Hoti dhe kryetarin në detyrë të PDK-së, Enver Hoxhaj.
Mbrëmë, menjëherë pas mbërritjes në Kosovë, Lajçaku ka shkuar në zyrat e Lëvizjes Vetëvendosje ku është takuar me kryetarin e kësaj partie, Albin Kurti.