Kryetari i Komunës së Rahovecit, Smajl Latifi në bashkëpunim me drejtorin e DKA-së, zyrtarë të drejtorisë, psikologet e angazhuar në shkollat, me komandantin dhe zyrtarë nga Stacioni Policor në Rahovec, ka mbajtur takim me drejtorët e shkollave, koordinatorët e cilësisë dhe kryetarët e këshillave të prindërve të secilës shkollë.

Në këtë takim diskutuan për angazhimet në fillim të vitit të ri shkollor, për aspekte të sigurisë në shkolla dhe për mbarëvajtjen e procesit edukativo-arsimor në shkollat e të gjitha niveleve.

Shprehen interesim dhe të përkushtim që ta kultivojnë në mënyrë të vazhdueshme bashkëpunimin me organet drejtuese të shkollave në funksion të përmirësimit të kushteve në përputhje me standardet bashkëkohore dhe të përparuara për një mësimdhënie dhe mësimnxënie sa më cilësore.