Lista Serbe “ngujohet” në Kuvend, kërkon takim me Hahnin

02 dhjetor 19:49

Deputetët e Listës Serbe kanë vendosur që ta kalojnë natën e sotme në hapësirat e grupit parlamentar të tyre në Kuvendin e Kosovës.

Me këtë rast deputeti, Igor Simiq, i ka ftuar edhe kolegët shqiptarë qe t’i bashkëngjiten protestës së tyre të veçante, në kërkim të largimit të taksës 100% për produktet serbe.

Sipas tij kjo taksë po i dëmton të gjitha, jo vetëm serbët.

Ai gjithashtu ka konfirmuar se tashmë kanë dërguar kërkesë në zyrën e BE-së që nesër ta takojnë komisionarin evropian Johannes Hahn, mirëpo ende nuk dihet a do të ndodhë ky takim, transmeton “Klan Kosova”.

Qëndrimi i tyre në kuvend do të vazhdojë deri sa ata të marrin një qëndrim lidhur me taksën nga Hahn.

Lajme të sponsorizuara

Të fundit
Numri i njohjeve për Kosovën vazhdon të bjerë. Për herë…