Lladrovci: Mund të marrim përvojë nga Finlanda për konsum të prodhimeve vendore

06 dhjetor 20:42

Kryetari i Drenasit, Ramiz Lladrovci, sonte ka uruar Finlandën dhe qytetarët e saj, me rastin e 101 vjetorit të pavarësisë, duke theksuar se “Finlanda është vend nga ku mund të merren shumë shembuj pozitiv dhe përvoja si punësimin, arsimin, përkujdesjen shëndetësore, digjitalizimin por edhe moralit, krenarisë kombëtare dhe traditën e konsumit të prodhimeve vendore”.

Ja postimi i Lladrovcit në fb:

“Finlandezë, miq të mi, urime 101 vjetori i pavarësisë!

Sonte, me rastin e 101 vjetorit të Pavarësisë së Finlandës në Prishtinë, në mbrëmjen e organizuar me këtë rast, me kënaqësi me Ambasadoren Stjernvall, rikujtuam bashkëpunimin e deritashëm, por edhe përkrahjen e Finlandës në shtetndërtim, për integrimin në institucionet ndërkombëtare dhe proceset nëpër të cilat po kalon vendi.

Kam qenë i nderuar vjet, kur mora pjesë në 100 vjetorin e pavarësisë së vendit mik, Finlandës. Unë kurrë nuk do ta harroj atë mikpritje dhe gatishmëri për bashkëpunim. Ne i kemi ndërmarrë disa hapa në këtë drejtim, këmbimin e vizitave të nxënësve, arsimtarëve dhe përvojave arsimore për Drenasin.

Finlandezët janë popull i mrekullueshëm me shumë pasion ndaj traditës, qëndrueshmërisë dhe përkushtimit deri në arritjen e qëllimit, të përmbledhura në fjalën origjinale finlandeze, sisu.

Finlanda është vend nga ku mund të merren shumë shembuj pozitiv dhe përvoja si punësimin, arsimin, përkujdesjen shëndetësore, digjitalizimin por edhe moralit, krenarisë kombëtare dhe traditën e konsumit të prodhimeve vendore.

Finlandë, je e bekuar. Urime 101 vjetori i pavarësisë!

Lajme të sponsorizuara

Të fundit
Kryetari i Kuvendit të Kosovës, Kadri Veseli ka nisur vizitën…