LEONARD COHEN

Gjaku i tij në krahun tim është i ngrohtë si një zog

zemra e tij në dorën time është e rëndë si prej plumbit

sytë e tij nëpër sytë e mi shndritin më shumë se dashuria

O lëshoje korbin përpara pëllumbit

Jeta e tij në gojën time është më pak se një njeri

vdekja e tij në gjirin tim është më e fortë se një gur

sytë e tij nëpër sytë e mi shndritin më shumë se dashuria

O lëshoje korbin përpara pëllumbit

O lëshoje korbin përpara pëllumbit

O këndo nga hekurat ku je pranguar në një guvë

sytë e tu nëpër sytë e mi shndritin më shumë se dashuria

gjaku yt në baladën time e shemb varrin

O këndo nga hekurat ku je pranguar në një guvë

sytë e tu nëpër sytë e mi shndritin më shumë se dashuria

zemra jote në dorën time është e rëndë si plumb

gjaku yt në krahun tim është i ngrohtë si një zog

O thyeje nga degët tua një degë të njomë të dashurisë

Pasi korbi të ketë vdekur për pëllumbin

(Marrë nga revista “Akademia”. Përktheu nga anglishtja: Aziz Mustafa)