Lëvizja Vetëvendosje (LV), nëpërmjet një komunikate për medie ka uruar besimtarët krishterë për festën e Krishtlindjes.

Sipas kësaj partie, Krishtlindja na e kujtojnë lindjen e Jezu Krishtit, njeriu që me veprat dhe mësimin e tij dha porosi universale morale dhe sociale që u bënë frymë lëvizëse e gjithë historisë botërore të njerëzimit.

“Tradita jonë kombëtare i ka bërë bashkë besimet e ndryshme, për një projekt të përbashkët. Ndaj i urojmë së bashku edhe festat e veçanta”, është theksuar në komunikatë.

Urimi i plotë i Lëvizjes Vetëvendosje:

Të gjithë besimtarëve të krishterë dhe shqiptarëve kudo që ata jetojnë ua urojmë festën e Krishtlindjes.

Krishtlindja na e kujtojnë lindjen e Jezu Krishtit, njeriu që me veprat dhe mësimin e tij dha porosi universale morale dhe sociale që u bënë frymë lëvizëse e gjithë historisë botërore të njerëzimit.

Ai mishëroi besimin e pastër, mirësinë e pakushtëzuar, ndihmën e palodhshme për nevojtarët, mbështetjen e pakursyer për të varfëritë, sakrificën për të tjerët, shpresën për pesimistët dhe mëshirën për mëkatarët e përmirësueshëm.

Tradita jonë kombëtare i ka bërë bashkë besimet e ndryshme, për një projekt të përbashkët. Ndaj i urojmë së bashku edhe festat e veçanta.

Gëzuar Krishtlindjen!