Këngëtarja botërore Madonna ka ndarë kujtime nga vitet e saj të hershme në New York gjatë viteve ’80, duke treguar për jetën e vështirë para famës dhe rrugën e saj drejt suksesit.

67-vjeçarja tha se në atë periudhë, kur jetonte si e re dhe pa stabilitet financiar, shpesh merrte vendime për takime romantike bazuar në kushtet elementare të jetesës së partnerëve të saj.

“Dilja me burra duke u bazuar në faktin nëse kishin vaskë apo dush. I pyesja ku jetonin dhe nëse kishin kushte të mira për banjë,” është shprehur ajo, duke kujtuar vitet e vështira në New York.

Madonna rrëfeu gjithashtu se shpesh gjente strehim të përkohshëm në banesa të ndryshme dhe përballej me kushte të vështira jetese, përfshirë mungesën e ngrohjes dhe rreziqe të ndryshme në ambientet ku jetonte.

Sipas saj, ato përvoja e kanë formuar si artiste dhe si person, duke e bërë më të fortë për rrugëtimin drejt famës botërore.

Sot ajo konsiderohet një nga artistet më të suksesshme në botë dhe jeton një jetë krejtësisht ndryshe, me stil luksoz dhe kushte komode jetese, në kontrast të plotë me vitet e saj të vështira në fillimet e karrierës.