Maliqi: Lufta për vendin e dytë është në mes të PDK-së dhe LDK-së, por njëra nga to mund ta formojë qeverinë

08 prill 2024 | 14:18

Publicisti Shkëlzen Maliqi, ka thënë se kandidati i PDK-së për kryeministër, Bedri Hamza, mund ta sfidojë kryeministrin aktual dhe kryetarin e Vetëvendosje, Albin Kurti.

Maliqi ka thënë se në zgjedhjet e ardhshme parlamentare, gara për vendin e dytë do të jetë në mes të LDK-së dhe PDK-së. Por, sipas tij, cilado që mund të dalë e dyta, ka mundësi që ta formojë qeverinë.

“Hamza është i respektueshëm. Fakti që ai është kandidat është një lëvizje e mirë në aspektin e procedurave demokratike, sepse kryetari i partisë nuk duhet të kandidojë gjithmonë. Me Hamzën llogaritet që ai të bëhet tërheqës për partitë e tjera për shkak të ‘antiamerikanizmit’ të Kurtit, pra që i prish marrëdhëniet me partnerët strategjikë të Kosovës”.

“Lufta për vendin e dytë është në mes të Lidhjes Demokratike të Kosovës dhe PDK-së dhe cilado që del e dyta mund të jetë edhe e para në ndonjë shpërndarje. Supozohet se Vetëvendosje po e humb mbështetjen dhe nëse tani, le të themi, 100 000 votues të LDK-së që e kanë votuar Kurtin herën e fundit, kthehen në kampin properëndimor, atëherë mund të ndodhë që njëra nga këto dy parti opozitare të jetë e para që do ta formojë qeverinë”, ka thënë Maliqi për “Kosovo Online”.

Lajme të sponsorizuara

Të fundit
Organizata YIHR ka mbajtur një aksion para Kuvendit të Kosovës,…