Komuna e Prishtinës në bashkëpunim me Fondacionin Trashëgimia Kulturore pa Kufij (CHwB) ka mbajtur punëtorinë informuese me operatorët ekonomik për projektin e rigjenerimit të rrugës “Model” në Qendrën historike të kryeqytetit.

Në këtë punëtori janë shpaluar informata rreth projektit dhe harmonizimit të punëve që do të bëhen në realizimin e këtij projekti shumë të rëndësishëm për pjesën e vjetër të qytetit të Prishtinës.

Rigjenerimi i rrugës “Model”, si projekt, parasheh shtrimin e rrugicave me kalldrëm, futjen e kabllove elektrike nën tokë dhe rregullimin e fasadave sipas tipareve të arkitekturës origjinale të lagjes.

Ky model më pas do të përdoret në rrugët e pjesët tjera të Qendrës historike.

/Epoka e re/