Fushata zgjedhore e LDK-së me bartësen e listës dhe kandidaten për presidente të Lidhjes Demokratike të Kosovës, Vjosa Osmani dhe me kandidatin për kryeministër Lumir Abdixhiku, ka vazhduar sot me një dinamikë të jashtëzakonshme dhe pjesëmarrje masive të qytetarëve në disa komuna të Kosovës, duke dëshmuar mbështetje të fuqishme për vizionin e saj politik.

Rrugëtimi i fushatës, sot, vazhdoi drejt Klinës, ku Presidentja Osmani u prit mes një atmosfere të ngrohtë dhe plot entuziazëm nga qytetarët e shumtë.

Më pas, fushata u zhvendos në Deçan, ku u ritheksua rëndësia e ruajtjes së historisë, traditës dhe mikpritjes së jashtëzakonshme të kësaj treve.

E poashtu në Junik, fushata mblodhi qindra përkrahës në një atmosferë jashtëzakonisht entuziaste, ndërsa përmbyllja e ditës u bë në Pejë. Sheshi i qytetit në Pejë u vërshua nga një numër rekord qytetarësh, të cilët me një energji të shumë të madhe e pozitive konfirmuan vullnetin e tyre dhe i dhanë vulën e mbështetjes këtij vizioni të përbashkët.

Fushata e Osmanit do të vazhdojë edhe në ditët në vijim në qytete të tjera të Kosovës, me ftesën e hapur për të gjithë qytetarët që t’i bashkohen këtij rrugëtimi.