Komisioni për Ekonomi, Industri, Ndërmarrësi dhe Tregti ka shqyrtuar sot propozim-vendimin e qeverisë, për emërimin e Bordit të Agjencisë Kosovare të Privatizimit (AKP).

Kjo mbledhje u mbyll me miratimin e listës së bordit të ri të AKP-së, me gjashtë vota për dhe tri kundër.

Votat kundër ishin nga radhët e partive opozitare, PDK, LDK, e AAK.

Emrat e propozuar dhe miratuar nga Qeveria për anëtarë të këtij bordi janë: Nazmi Mikollovci, Suzana Dautaj Surdulli, Mentor Hyseni, Vjollca Jashari, Violeta Arifi Krasniqi, Xhevdet Neziraj, Halim Muqolli dhe Avni Ajdini.