Këngëtarja e famshme shqiptare, Rita Ora, ka zbuluar së fundmi pamje nga shtëpia e saj në lagjen Primrose Hill të Londrës Veriore.

E ndërtuar në vitin 1877, dikur ishte shtëpia e ilustruesit Arthur Rackham, puna e të cilit përfshin “Alice’s Adventures in Wonderland”, “Peter Pan in Kensington Gardens”.

Është renditur në klasën II, që do të thotë se megjithëse 31-vjeçarja e rinovoi pak pasi bleu shtëpinë në vitin 2021, ajo nuk u lejua – as nuk donte – të bënte ndonjë ndryshim të madh.

“Unë kam pasur gjithmonë një tërheqje për shtëpitë me një frymë të vjetër,” tha Ora për ‘Architectural digest’, duke shtuar: “E dija se kjo shtëpi ka qenë në mënyrë specifike shtëpia e shumë krijuesve, kështu që mendova se do të kishte një energji vërtet të veçantë.”

Rinovimet konsistonin kryesisht në restaurimin e dyshemesë dhe çatisë, rinovimin e banjave, tubacioneve dhe energjisë elektrike dhe përmirësimin e kuzhinës.

“Më pëlqen të jem me kosto efektive”/ Brenda

Në një tjetër lëvizje të thjeshtë, Ora e mobiloi shtëpinë kryesisht me gjetje të vjetra nga tregu i famshëm ‘Portobello Road’ në Londër; shumicën e artikujve që ajo kishte në pronësi dhe përdorur në shtëpitë e mëparshme.

“Më pëlqen të jem me kosto efektive kur është e nevojshme,” thotë ajo. Motra dhe menaxherja e saj, Elena Ora, është përgjegjëse për rregullimin e koleksionit të mobilieve në shtëpi, dhe stilistja e brendshme Joanna Plant ka shtuar “copëza të vogla” për të lidhur gjithçka së bashku.

Mobiliet e saj sjellin gjithashtu një shije të rrënjëve të saj nga Londra Perëndimore në lagjen e saj të re.

“Bëra një përpjekje të vetëdijshme për të lënë zonën time të sigurisë”, thotë Ora për blerjen e një shtëpie në një zonë të panjohur, e cila vijon: “Të gjithë miqtë e mi janë në Londrën Perëndimore, në kafenenë time. Doja të zgjerohesha”.

Zona e saj e re ka më shumë parqe dhe gjelbërim, dhe shtëpia e saj ka oxhaqe të shumta dhe një kopsht të bukur, të gjitha lehtësitë që e ndihmojnë atë të shkëputet më mirë nga jeta e saj me ritme të shpejta.

“Unë do të ecja nëpër rrugë në Londrën Perëndimore dhe njerëzit do të thoshin, ‘Rita, çkemi?’ Dhe pastaj nuk do të kthehesha në shtëpi për gjashtë orë. Do të ulesha dhe do të pija kafe dhe më pas do të pija një pije, dhe pastaj do të thoja: “Si nuk jam ende në shtëpi?”, u shpreh këngëtarja me famë botërore.

Hyni brenda shtëpisë së epokës viktoriane të Rita Orës në Londër: