Pas një mbështetjeje ‘online’ për presidentin e Serbisë, Aleksandar Vuçiq, mediet opozitare serbe shkruajnë se po bëhen plane për të marrë një mbështetje më të gjerë pas situatës së vështirë në të cilën gjendet Serbia në raport me dialogun me Kosovën.

“Nova” raporton se janë duke u bërë përgatitje për organizimin e mitingjeve në mbështetje të Vuçiqit për shkak të “sfidave që rrethojnë Kosovën”.

Siç raporton gazeta serbe, marrëveshja brenda partisë së Vuçiqit është që pas mbështetjes në rrjetet sociale, të vazhdojë mbështetja e hapur përmes tubimeve publike.

Përdoruesit e rrjeteve sociale ditët e fundit kanë vërejtur një mbështetje të shtuar dhe dukshëm të orkestruar për presidentin e Serbisë nga anëtarët e partisë së Vuçiqit.